king khan ya king tom

“KING KHAN YA KING TOM”


Tom & jerry ka naam to ap logo ne suna hi hoga, mera favourite cartoon show hai. Ap sochenge ki 21 saal ka ye ghoda bachhon ke cartoon tom n jerry ki baat kyun kar raha hai?????? Ji asal me baat kuch aisi hai ki in dino mujhe tom n jerry jaise character asal jindgi me nazar a rhe hai.
Tom n jerry me tom jo ki jerry ki upeksha bada, jyda takatvaar, par hmesa jerry ki chalon me faskar muh ki khane wala. Badi hasti or jyda takat hone ke bavjood bhi Jerry, tom ko hmesa bauna sabit kr deta hai.
SHARUKH KHAN, bollywood ka betaj badshah, ek bada naam, badi hasti, ek bhut badi or shandaar shakhsiyat ke malik or film jagat ke KING KHAN. SHAHRUKH sirf apni sundar shakl-surat ke liye hi nahi balki apni sundar seerat ke liye bhi mashooor hai . ek ache insaan ki tarah unhone hmesa hindu ya muslim dharm ko nahi balki MANAV DHARMA ko apnaya hai.
SHAHRUKH… ek aisa naam jiske ghar ‘MANNAT’ me NAMAZ ki duaa or “OM SHANTI OM” ki prathna logo ke “DIL SE” nikalti rehti hai..ID ki siwaiyaan to mano DEWALI ke deepo se pakti hai, shahrukh…. ek aisa kalakaar jisne kabhi UP-BIHARIYON ya MUMBAIKAR me koi antar nahi kia. Use desh ke har hisse se pyar mila bhi or usne sbko pyar kia bhi …..
BAL THACKERY ek or bada naam par SHAHRUKH jaisa bada………. shayad nahi, ek aise sangthan ka mukhia jo KATTAR HiNDU mana jata hai,……..
BAL THACKERY ek aisa vyakti jo shayad MUMBAI or MARATHI ke age kuch soch samajh hi nahi sakta…. Ek aisa kattar rajnitigya jo UP or BIHAR ke logo ko bhukha nanga or chor samajhta hai……. Ek aisa neta jo hindustaan ki maati me janam to leta hai par wahan ki matrabhasha ko apnane se katrata hai…. Ek aisa badnaam DABANG jo apne niyam-kanoon khud banata hai……. BAL THACKERY ek bhudha sher jo sampradaikta or kshetriyata ki bimari se grasit hai jiske prashanshak shayd sirf Mumbai me ho par alochak desh ke har kone me hai..
Aj se lagbhag 8-9 mahine pehle SHAHRUKH ki “MY NAME IS KHAN” release hone wali thi . film release ke pehle Mumbai me iska jordar virodh hua tha, shiv sena ne SHAHRUKH ke virodh me film ke poster fade or multiplex ke maliko ko dhamkaya bhi tha. Darasal shahrukh ne keh dia tha ki “MUMBAI SABKI HAI” jisse BAL THACKERY or unki sena SHIV SENA bhadak uthi thi. Us samay SHAHRUKH ne bhi bade “JOSH” ke sath talkh tewar apnaye or kaha tha ki unhone kuch bhii galat nahi kaha…….. us samay pure desh se SHAHRUKH ko sath or shakti prapt hui thi, SHIV SENA ke virodh ke bavjood MY NAME IS KHAN Mumbai sahit sampurna desh me hit hui thi.
Abhi 2-3 din pehle “SAMNA” jo ki shiv sena ka mukhpatra hai , me thackery ne shahrukh ki jamkar alochna ki….. darasal aisi khabar thi ki sharukh ek aise charity show me shirkat krne jar he hai jo baadh piditon ke liye paise ekattha karegi , king KHAN se aisi ummed thi ki wo aisi baton par dhyan nahi denge or is nek kaam me apni bhumika jaroor ada karenge par………………… is bar kahani me twist a gaya… TOM (shahrukh) ruk gaya…. Or JERRY (BAL THACKERY) se haar gaya, bollywood ke betaj BADSAH ne THACKERY ko“YES BOSS” keh dia jld hi media me khabre ai ki KING KHAN aisi kisi show me nahi ja rahe .. yahan tak ki shahrukh ke office se official information media ko di gai ki BADSHAH wahan shirkat nahi karenge.
Waise to DON ko 11 mulko ki police dhundh rahi hai par DON ko pakadna muskil hi nahi namumkin hai par shahrukh ke is faisle ke bad ye jaroor mehsus ho raha hai ki DON ko pakadna bhale hi mushkil ho par darana bhut asaan hai.
SHAHRUKH jaisi badi hasti agar THACKREY ke samne jhuk jayaenge to ek mango man galat logo ke samne kaise awaz uthaiga?????
Tom & jerry mera favourite hai, use dekhkar khushi hoti hai par asal jindgi me is TOM (shahrukh) ko JERRY (BAL THACKERY) se harte hue, jhukte hue dekhkar dukh hota hai .
Reel life ka KING KHAN jb Real life me TOM ban jaye to…………. To bas karo bhaiya ab kuch likha or kaha na jaye……. Phir milenge “BREAK KE BAAD” ………. Movie bokas hai…mat jaiyo…..
(MANN)