KYA WAKAI JEET GAI JINDGI ??????”

Us samay mai 14 saal ka tha, mujhe aj bhi yaad hai mera ghar ke pas hi rehne wale SHUKLA uncle ki wo dardnak halat , unhe lakwa ho gaya tha, unke saree ke adhe ang par lakwa ne kabja kar lai tha. mujhe aj bhi yad hai unki aah! Dard se behte unke aansu, khud kuch na .kar pane ki unki kuntha, muuh se nikalti unki tuti-futi ladkhadati awaz aur usi awaz me et tadap aur vichlan ke sath unki wo dua “ HEY BHAGWAN HME MAUT DE DO, REHAM KARO HM PAR HME MAUT DE DO”.
Ye kehna shayd sahi hoga ki unki kismat achhi thi aur bhagwan ne unki sun li. 7 mahine bad SHUKLA uncle ki death ho gai. Unke jane ka gam to sabhi ko tha par gharwalon ko is baat ki khushi na sahi par santusti jaroor thi ki unko (uncle) ko jyda jhelna nahi pada.
ARUNA SHANBAAG, naam .ek aisi mahila ka jo kuch na hokar bhi aj pure smaj me hi nahi varan pure desh me behas ka ek mudda bai hui hai.
Maine apni ab tak ki jindgi me logo ke jivan chakra ke bare me to bhut behson(debate) ko suna tha lekin kisi ki death ke bare me itni vyapak behas pehli baar dekh aur sun raha hun.
ARUNA SHANBAAG pichle 37 varshon se mumbai ke KING EDWARD MEMORIAL HOSPITAL ke WARD NO.16 me bharti hai. 37 varsh pehle mumbai bhagti thi, mumbai aj bhi bhag rhi hai par is bhagti hui mumbai me 37 varsho se thami hai ARUNA ki jindgi.
ARUNA SHANBAAG ek nurse thi, 37 varsh pehle 27 nov.1973 ko SOHANLAL namak ek vyakti ne unke sath duskarm kia tha. Kaha jata hai ki duskarm karne se pehle usne aruna ka dimag aur gala kutte ko bandhne wali chain se kas ke bandh dia tha jisse ARUNA ke mastisk tak oxygen ki supply band ho gai thi. Wo din aur aj ka din ARUNA SHANBAAG ek jinda laash ban ,chuki hai.
37 varsho se ARUNA ne bahar ki jindgi nahi dekhi hai. Din ka ujala unki jin;dgi me faile andhkaar se kahin jyda kam hai. Unke lie ab festivals ka bhi koi matlab nahi qki diwali ke die to unke lie .shayad tabhi bujh gai the jab unki ummedo aur apno ke chirag ko unke kisi apne ne dubara jlane ki kosis nahi ki aua unka sath chhod dia tha, berang ho chuki unki jindgi me ab shayd holi ka har rang fika hai.
ARUNA SHANBAAG ki ye halat dekhkar 2009 me ek patrakaar aur smajsevi PINKI VIRANI ne supreme court me aruna ko EUTHANASIA ( iskhamritu)dene ki apeel ki thi.. jaise-jaise PINKI ki arji ki sunvai court me badhti gai, pure desh me EUTHANASIA ki behas bhi chidti gai.
ARUNA SHANBAAG ke lie EUTHANASIA ki arji karne wali PINKI ke prasansak bhi bhut hai aur alochak bhi bhut. Lekin unke is kadam ka sbse bada virodhi koi aur nahi balki ARUNA ki chikitsa aur dekhrekh me lage ve sabhi doctors aur nurse hai jo pichle kai varsho se niswarth bhav se ARUNA ka ilaj kar rahe hai. Unki dekhrekh me lage ye doctors aj se nahi pichle 15-20 varsho se ARUNA ki dekhbhaal kar rahe hai aur yahi nahi aise hi doctors ki ek pidhi unka illaj kar retired ho chuki hai.
Yun to ARUNA ke apnone unka satth bhut pehle hi chhod dia tha par ab K.E.M. hospital hi unka parivaar hai aur isi parivaar ne unki alochna karte hue kaha ki
“AAKHIR VIRANI ARUNA KI HAI KAUN , WO KAUN HOTI HAI ARUNA KI JINDAGI AUR MAUT KA FAISLA KARNE WALI??”
Hospital ke logoi ki baat shayad sahi bhi hai ki “yadi 37 varsho se wo log unki care kar rahe hai to aruna ke bare me koi bhi faisla lene ka haq sirf unhe hai aur kisi ko nahi” lekin hospital wale is baat ko pure dave ke sath keh sakte hai ki ARUNA wakai jeena chahti hai. Ho skta hai ki ARUNA ki iksha bhi iksha mritu ki ho aur is samay wo hospital walon ko mann hi mann kosh rahi ho ki “aakhir kyon jinda rakha hia mujhe??” .
Besak VIRANI ko ARUNA ke bare me koi faisla karne ka haq nahi hai lekin hospital walo ko bhi to aruna ke bare me koi faisla karne ka haq nahi ho skta… aakhir aruna bhi to ek manav hai koi pashu to nahi jiski yadi kuch saal sewa ya palan-poshan kar dia jai to uske bare me sare faisle karne ka haq ho jaye.. aakhir PINKI aur hospital walon ke beech khud ARUNA ka faisla kahan hai???
Wo besak bol nahi skti par kya unhone in 37 varshon me kam se kam ek baar bhi aisa koi sanket nahi dia hoga jisse ye pata chalta ho ki wo ab jeena nahi chahti ???? hospital wale jb ARUNA ke haav-bhav se ye jaan sakte hai ki unhe fish aur chikan soup pasand hai, unge bhakti gane sunna pasand hai to kya ve ARUNA se is prashn ka uttar nahi puch sakte ki kya aruna vakai jeeena chahti hai ya nahi????
Aruna ke sath hum sab ek firm determinatiomn wali, bhut majbur iksha shakti wali, ek vishesh vyakti ki tarh ya yu kahe ki ek nayab ajube ki tarh pesh a rahe hai . mere khayal se use bhi ek aam admi samjha jai aur 37 varshon se bistar par padi aur dusron par nirbhar hone ki unki kuntha ko samjha jai.
ARUNA SHANBAAG besak SHUKLA uncle jitni kamjor na ho par kya ARUNA vakai itni shaktishali hai??????7march 2011 ko Supreme court ne PINKI VIRANI ki ARUNA KO EUTHANASIA dene ki arji kharij kar di hai. Curt ke is faisle ka swagat karte hue KING EDWARD MEMORIAL HOSPITAL ke logo ne mithaiyan bati aur kaha ki “jeet gai jindgi” . lekin mere khayal se aj ek baar fir mujhe apko aur hum sbko ARUNA ke dard ki gehraiyon me jakr, unki tadap unki vichlan ko samajhkar ek baar fir ye sochna hoga ki “KYA WAKAI JEET GAI JINDGI ??????”